Сефте за ФК Гостивар, совладан Работнички 2-0

Четири натпревари се одиграа вчера од 4.коло во Првата македонска фудбалска лига, по кое прва радост за три освоени бода забележа екипата на Гостивар.

Гостиварци првата победа во сезоната ја запишаа против Работнички. Најзвучното засилување Алпер Потук го отвори резултатот во 12. минута, Селмани го удвои во 80. минута за конечни 2-0.

Вардар и по 4 кола не успеа да освои цел плен против Силекс иако гостите од Кратово речиси еден час играа со играч помалку поради црвен картон.

Македонија Ѓорче Петров и Шкупи ремизираа без голови, додека Шкендија забележа минимална победа над Брегалница.

Резултати:
Гостивар – Работнички 2:0
Македонија ЃП – Шкупи 0:0
Шкендија – Брегалница 2:0
Вардар – Силекс 2:2

Денеска играат АП Брера Струмица и Тиквеш. Дуелот Воска – Струга ТЛ е закажан за 27 септември.

Табела: Шкендија 9 бода, Брера Струмица 9, Тиквеш 6, Брегалница 6, Работнички 6, Силекс 5, Шкупи 5, Македонија ЃП 4, Струга ТЛ 3, Воска 3, Гостивар 3, Вардар 1.