До сега се собрани 9.000 евра – на Ивица се` уште му треба нашата помош

Од јули, кога беше испратен првиот апел за собирање на средства за лекување на гостиварецот Ивица Срезоски, до сега се собрани околу 9.000 евра. Беа организирани повеќе настани, низ угостителските објекти поставени се кутии за донации, а пари може да се уплаќаат и на сметка или да се донираат преку телефон.

Собраната сума е само половина од потребната за третманот кој на нашиот сограѓанин му е неопходен, а треба да се изврши во Пекинг, Кина. Ивица и неговото семејство упатуваат благодарност до сите што до сега се вклучиле со донирање на било каков начин и апелираат граѓаните да продолжат да бидат хумани за да може да се создадат услови за лекувањето.

Ивица боледува од спиноцеребрална атаксија, болест поради која не може да се движи нормално, му предизвикува болки и која со тек на времето носи низа други здравствени проблеми. Третманот со матични клетки што може да биде изведен во Кина може да му помогне повторно да застане на своите нозе. Да бидеме хумани и да помогнеме сите заедно!

Донирајте:

Преку мобилен за корисниците на Т-мобиле:  143 171

Корисници на ВИП- 143 – 460

или на жиро сметка

200003182230977

Стопанска банка АД Скопје