Села во гостиварско Дебреше: Наша цел е граѓаните да бидат послободни, победуваме за нивно добро

Претседателот на Алијанса за Албанците, Зијадин Села вечерва беше во посета на гостиварско Дебреше, заедно со кандидатот за градоначалник на Општина Гостивар, Арбен Таравари. Во селото тие остварија повеќе средби со граѓани.

„Пораките во Гостивар и во Дебреше ги пренесоа самите граѓани на 17-ти октомври. Граѓаните се многу свесни што треба да прават на 31-ви во недела и нормално дека во Гостивар градоначалник повторно ќе биде Арбен Таравари. Опозицијата на овие избори победува во општините со јасна порака дека промени доаѓаат за доброто на граѓаните.  Наша цел е граѓаните да бидат послободни, а не како сега што прави овој режим и оваа држава-прават се’ да им оневозможи на граѓаните да зборуваат гласно. Но, тоа не можат да го постигнат ниту во Дебреше, ниту во Чегране, ниту во целиот Гостивар, граѓаните се свесни и знаат што прават.“, изјави Села.

Таравари на средбите им се заблагодари на граѓаните за дадената поддршка во првиот круг на изборите и ги повика и во вториот да излезат на гласање и да го дадат својот глас според сопственото убедување.