Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 11/06/2019 | 19:43

Село без интернет и без телефонски сигнал – се` оди преку пошта

Spiti Valley на Хималаите во северна Индија се смета за еден од највисоките населени предели на планетата Земја. Станува збор за студена планинска долина, каде условите за живот се прилично сурови.

Во овој предел, особено интересно е селото Хиким, кое држи необичен рекорд – има пошта на најголема надморска висина во светот, од 4.400 метри. Луѓето во ова место живеат многу скромно. Немаат интернет, а сигнал за мобилен телефон може да се фати само во еден мал одреден дел. Но, затоа поштенската канцеларија игра огромна улога во комуникацијата. Освен локалните жители, поштата ја користат и голем број туристи кои сакаат на своето семејство, роднини, пријатели да им испратат разгледница од „највисоката пошта на светот“.

До селото Хиким, нема добро уредена инфрактруктура, па така двајцата поштари се принудени секој ден да пешачат по десетина километри низ планински патичиња и непредвидлив терен, за да ги однесат писмата до местото Казу, од каде со автобус се префрлаат на напишаните адреси.

Напишете коментар