Село на долгата коса во Кина

Селото Хуанглуо во Кина е познато како „Село на долга коса“ каде живеат над 200 жени со долга коса до два метра. Тие велат дека и посветуваат големо внимание на косата стотици години наназад, бидејќи веруваат дека долгата коса е симбол на убавината.

Жените кои живеат во ова село велат дека доаѓаат разни посетители за да ја дознаат тајната за нивната убавина.

„Кога бевме млади, ја миевме косата со ферментирана оризова вода и затоа немаме бела коса дури и по 80 години живот. Секои три дена ја миеме косата. Мојата коса е долга 1,6 метри. Јас последен пат ја кратев косата на 17 години, потоа никогаш. Немажените девојки, ги држат косите врзани, а потоа ставаат и шал. Ноќта кога ќе се омажат, го тргаат шалот“, вели една од жените.

Оваа традиција за долга коса е стара 3.000 години. Луѓето со долга коса се сметале за свети и се дел од нивната култура.

Во соработка со Е наука