Селото на Попај, Преминот на џиновите… Пет необични места во Европа кои одземаат здив

Европа е чудесен континет кој има многу природни и културни богатства кои ги посетуваат луѓе од целиот свет. Сепак во Европа се наоѓаат и некои необични места, кои не се толку познати, а кога ќе слушнете за нив, секако ќе посакате да ги посетите.

Кјерагболтен, Норвешка

Кјерагболтен е камен кој се наоѓа на планината Кјераг во Норвешка. Некој би помислил дека камен и не може да биде интересен, но кога би погледнале како стои помеѓу две карпи на висина од 984 метри, веројатно би го смениле мислењето.

Иако качувањето на оваја карпа е само за храбри, бидејќи навистина е потребна огромна храброст да застанете на карпа која лебди во воздух, може да ја посетат и оние кои, едноставно уживаат во необични формации на природата.

Селото на Попај, Малта

Оние кои ја посетиле Малта, веројатно слушнале за селото на познатиот морнар, бидејќи е вистинска атракција. Ова село е изградено пред неколку децении, кога е создаден и цртаниот филм. А денес не е необично да ги запознаете Попај и Олива, кои на влезот ќе ве почестат со чаша вино.

Покрај разгледувањето на необичното село, можете да уживате и во прошетка со бротче или во секојдневните претстави.

Метеори, Грција

Многумина имаат слушнато за манастирите под облаци. Некогаш, на врв од карпа во Грција, имало многу манастири, а сочувани се само шест. Ова несекојдневно место, историчарите го објаснуваат со потребата на верниците да бидат потполно одвоени од светот, а покасно и од напаѓачите.

Денес е можно да се качите до манастирите по скали, а некогаш монасите се качувале со помош на јаже.

Тинто, Шпанија

Реката Тинто тече низ градот Хуелва на југозападот од Шпанија. Самото име на реката, всушност значи “обоен“ на шпански јазик и името го добила поради својата црвена боја.

Подрачјето околу реката, со векови било рудник за бакар злато и други метали. После толку години рударство, високото ниво на железо, просто се растопило во реката, што всушност и направило да се добие ваква необична река.

Премин на џиновите, Северна Ирска

Преминот на џиновите е природен резерват кој се наоѓа во Северна Ирска. Ова природно чудо се состои од 40.000 базалтни столбови кои се наоѓаат на листата на светски наследства на УНЕСКО, поради необичниот облик.

Иако овие столбови, всушност, се резултат на вулканска ерупција, сеуште постои легенда за нив која вели дека ги изградил џин.