Семејна драма во Врапчиште: Свекор и свекрва сакале да ги земат децата од снаата

Дваесет и петгодишна  жена од селото Врапчиште, вчера попладне пријавила дека, околу 16 часот во домот на нејзините родители, каде престојувала со двете малолетни деца, дошле нејзиниот свекор и свекрвата со намера да и ги земат децата, нивни внуци од  починатиот син.

Како што соопштуваат од полицијата, набрзо започнала меѓусебна вербална расправија во која учествувала и мајката на жената. Според нејзиното кажување, настанала мешаница, во која свекорот,  извадил пиштол и ја удрил и повредил по главата.

На местото на настанот пристигнале полициски службеници од Полициската станица Гостивар. Свекорот бил лишен од слобода, пиштолот „ТТ“ со рамка со 7 куршуми, кој го поседувал без дозвола, му бил одземен. По целосното рачистување на сите поединости, а во координација со јавен обвинител, лицето ќе се соочи со соодветен поднесок, информираат од СВР.