Гостивар
Семејства во Гостивар ги отвораат домовите и срцата за деца без родителска грижа

За прв пат во Гостивар семејства пројавуваат интерес и подготвеност да станат згрижувачи на деца без родителска грижа. До сега поради немање заинтересираност, дечињата од гостиварскиот регион што имаа потреба од згрижување, се сместуваа во установи за таква намена. Во иднина ќе добијат можност да растат и да се воспитуваат во семеен круг и топол дом.
Според информациите од гостиварскиот Центар за социјална работа, шест семејства поднеле документи и отпочнале процедура да станат згрижувачки семејства. Социјалните служби нагласуваат дека е важно што при сместување на децата, браќа и сестри одат на згрижување заедно, односно не се одвојуваат.
Семејствата кои згрижуваат деца без родителска грижа добиваат месечен надоместок определен од Министерството за труд и социјала (околу 16.000 при згрижување на едно, 14.500 за секое дете при згрижување на две деца итн.) Општина Гостивар пак се обврза да им исплаќа на семејствата дополнителни 10.000 денари по месец.
Во октомври минатата година, Гостивар беше дел од кампањата „Подај рака, промени живот-стани згрижувач!“ што ја спроведуваат СОС Детско село и Министерството за труд и социјална политика.
На промотивниот настан беше потенцирано дека сместувањето на децата во згрижувачко семејство е најсоодветен облик на заштита на децата бидејќи се овозможува нивен правилен психо-социјален развој во услови најблиски до биолошкото семејство.
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Гостиварпред 2 месеци
Распоред на свештеници за Задушница во Гостивар
-
Гостиварпред 3 месеци
Празникот Водици во Вруток прославен традиционално со уникатни обичаи
-
Што, како, каде?!пред 2 недели
Во Гостивар отворен нов салон за убавина „Beauty Room Stella“ – Жените го заслужуваат најдоброто!
-
Гостиварпред 3 месеци
Гостивар-Девојче и момче ноќеска паднале во бессознание по пиење алкохол во дискотека
-
Гостиварпред 3 месеци
Фатено лице при кражба во манастирот Свето Преображение во Гостивар
-
ФОТО ВЕСТпред 2 месеци
ФОТО ВЕСТ: Гостиварските советници ги обоија дланките како симболична поддршка за лицата со ретки болести
-
Здравје и убавинапред 3 месеци
Како да го победите постојаното чувство на глад?