„Семејството во духот на мултикултурата“, презентација во ОУ „Единство“ – Гостивар

Ученици од деветтите одделенија од македонските и албанските паралелки заедно со своите наставници ментори, од гостиварското основно училиште „Единство“ одржаа презентација на двата јазика на тема „Семејството во духот на мултикултурното општество“. Настанот се организираше во рамки на проектот „Почитувај ги различностите“, што го спроведува Отсекот за превенција на Секторот за внатрешни работи во соработка со локалната самоуправа и ОБСЕ.

Целта е низ обработка на различни теми кои ги засегаат младите, да се подигне свеста за надминување на предрасудите, стереотипите и да се поттикне и развива соживотот, мултикултурата и толеранцијата.

„Денешниот настан е уште еден придонес на нашето училиште во насока на подигнување на мултикултурното почитување и соживот, за кои цели повеќе години наназад спроведуваме најразлични активности и проекти“, рекоа од ОУ „Единство“.

Проектот се реализира и во училиштата „Гоце Делчев“ и “Мустафа Ќемал Ататурк“