„Сестри“ е првиот македонски филм што ќе се прикажува на „Нетфликс“

Филмот „Сестри“ е првиот долгометражен филм на младата македонска режисерска Дина Дума. Овој филм ќе биде првиот македонски филм што ќе се прикажува на Нетфликс, а неговата премиера ќе биде во петок.

„Сестри“ имаше светска премиера на Филмскиот фестивал во Карлови Вари, еден од најстарите филмски фестивали од рангот на фестивалите од Кан, Венеција, Берлин и слични. Таму ја освои Специјалната награда на жирито во програмата Источно од Западот. Македонската премиера беше на Фестивалот за филмска камера „Браќа Манаки“ во Битола.

„Сестри“ е приказна за две тинејџерки чие пријателство е ставено на тест, кога тие се соочени со последиците од нивното декадентно однесување.

Продуцентка е Марија Димитрова, сценариото е на Дина Дума и Мартин Иванов, кинематографер е Наум Доксевски, сценографијата на Кирил Спасевски и Симо Бранов, монтажер е Мартин Иванов, костимите се на Роза Трајческа – Ристовска, а шминката е на Жанета Димитриевска.