Сезона на лалињата

Лалињата, покрај розите и хризантемите се најпопуларните цвеќиња во светот. Тие се идеални претставници на пролетните цвеќиња од семејството кринови. Благодарение на генетскиот инженеринг, лалињата доаѓаат во неверојатна разновидност на бои, висини и цветни форми. Постојат над 3.000 различни регистрирани сорти лалиња во светот.

Поради огромната застапеност и популарност на лалињата во Холандија, многумина мислат дека оваа земја е дом на овој прекрасен цвет, каде годишно се произведуваат до девет милијарди лалиња, но всушност Хималаите, Мала Азија, Северна Африка и јужна Европа се областите каде што се гледале овие цвеќиња во 12 век, иако се претпоставува дека биле одгледувани илјада години порано.

Лалињата се најпогодни за области со студени зими и суви, топли лета. Првите лалиња ги отвараат своите цветни пупки веќе во март, додека последните цветаат до крајот на мај, и во зависност од временските услови, дури и на почетокот на јуни.

Лалињата се едни од оние цвеќиња кои лесно успеваат да растат во саксии, а се подготвени за садење во октомври.