Шаховски турнир за средношколци во Гостивар

Шаховскиот клуб „Гостивар“ со поддршка на Општина Гостивар денес организираше меѓуучилишен шаховски турнир за средношколци од гостиварските училишта. Како што информираа организаторите првото на турнирот место го освои Новица Михајлоски, второто Шпенди Фазлија, додека третото место му припадна на Агим Џафери.

„Шахот е многу важна активност за здрав раст на децата и овие натпревари помагаат и за откривање на нови таленти во овој спорт, со кои утре сите ќе се гордееме со нивните достигнувања.“, наведуваат од локалната самоуправа.

Инаку, Општина Гостивар пред извесно време организираше и обука на наставници врзани со шахот со оглед дека Министерството за образование и наука започна со проект со кој шахот ќе биде внесен како изборен предмет во основните училишта.