Шампионски старт на денот во три варијанти

Протеински силен појадок е еден од важните услови за нашата физичка способност, напредок во тренирањето и одржување на постигнатото. Неретко, посебно во текот на работната недела, во утринските часови, немаме доволно време за подготвување на протеински силни оброци. Но, решението е во блендерот, направа која брзо и лесно подготвува сѐ што ни е потребно.

Богат, калориски (што би требало да биде појадокот) и протеински силен шејк е сосема доволен оброк за започнување на денот. Еве три едноставни начини кои можете да ги менувате и да ги прилгодувате по ваш вкус. Клучни се состојките.

1.Изблендирајте протеин од чоколада со млеко со ниска млечна масленост. Покрај тоа може да додадете:

-една дланка бадеми
-лажичка путер од кикирики
-банана
-две јајца

2.Изблендирајте протеин од ванила со нискокалорично млеко, а оваја комбинација збогатете ја со:

-лажичка мед
-една дланка ореви
-лажица мелен плазма кекс

3.Изблендирајте протеин од јагода со нискокалорично млеко, а во блендерот додајте:

-парче ананас, шумско овошје или банана
-една дланка бадеми
-три белки
-една коцка црна чоколада

Уживајте! Вкусот е одличен, а состојките се токму она што ви е неопходно за првиот дел од денот.