Шарени солени бомбици за љубителите на добро мезе

Ова е рецепт кој веруваме дека ќе им се допадне на оние што сакаат убаво мезе и по вкус, но и за очи. Шарените солени бомбици се вкусен залак, кој изгледа декоративно и богато на трпезата.

Вистинско уживање за креативци!

состојки:

600 гр. варени компири

300 гр варено пилешко месо

1 кромид

2 варени јајца

2 кисели краставички

2 лажици мајонез

4 лажици кисела павлака

бибер

сол

за декорација:

1 варен морков

2 мали главици варено цвекло

2 лажици буковец

сецкан магдонос

суасам, ленено семе, оригано

подготовка: Најпрво ситно исецкајте го кромидот и во подлабока чинија измешајте го со изренданите јајца, изгмечените компири, исецканото месо и ренданите краставички. Додајте мајонез, павлака, зачини. Од оваа смеса, кога ќе ја изедначите, формирајте топчиња.

Дел од топчињата извалкајте ги во исецкан магдонос, вториот дел во рендан морков, третиот дел во изрендано цвекло. По желба извалкајте ги и во сусам, лелено семе, оригано, буковец.