Вести

„Шарли Ебдо“ предизвика бес со карикатурата за земјотресот во Турција

Објавено

пред 1 месец

на

11/02/2023

Од

Gostivarpress.mk

Францускиот сатиричен магазин „Шарли Ебдо“ предизвика бес и е на удар поради карикатурата што ја објави за Турција по двата разорни земјотреси во кои загинаа илјадници, а беа повредени десетици илјади турски граѓани.

Карикатура објавена на Твитер како „илустрација на денот“ прикажува срушени и оштетени згради, превртен автомобил и купишта од урнатини.

„Земјотрес во Турција“, беше напишано во горниот десен агол на карикатурата, а на дното „Не моравме ни тенкови да испратиме“.

✏️Le dessin du jour, par #Juin pic.twitter.com/kPcEqZDocO

— Charlie Hebdo (@Charlie_Hebdo_) February 6, 2023

Оваа карикатура не е ништо друго освен срам, изјави Франсоа Бургат, политиколог од францускиот Национален центар за научни истражувања. Додека корисниците на интернет реагираа на објавата изразувајќи ја својата фрустрација и бес.

„Современи варвари! Удавите се во својот гнев и омраза“, реагираше на Твитер портпаролот на турскиот претседател Ибрахим Калин. Абдурахим Бојнукалин, турски политичар и лондонски претставник на владејачката Партија на правдата и развојот (АКП), кој рече дека списанието „не ги почитува границите во својата потрага по контроверзии“.