Шеќеринска од Гостивар: Со „Одлучен удар“ покажавме дека го заслуживме нашето место во НАТО

На отворениот ден од воената вежба „Одлучен удар“ во Гостивар, за презентација на опрема и возила кои се користат за оваа теренска вежба, присутвуваше и министерката за одбрана, Радмила Шеќеринска.

Министерката истакна дека ова е најголемата воена вежба организирана во земјава и дека успешното спроведување е доказ дека државата го заслужува членството во НАТО.

„Повеќе од 2.700 војници од кај нас, од Америка, Албанија, Бугарија, Црна Гора и Литванија се уште работат на оваа вежба на Криволак. Но, целта на вежбата не е само да се извежбаат војничките знаења, туку и да се покаже колку е важна врската помеѓу војската и граѓаните. Затоа сме присутни во многу општини, низ цела држава, со наша опрема, со наши војници и офицери, а тука поддршка ни дава и Армијата на Соединетите американски држави. Со организацијата на оваа вежба, покажавме дека навистина си го заслуживме нашето место во НАТО Алијансата, а со брзите ратификации на голем број на земји членки, покажавме дека ја добивме и ја заработивме поддршката . До крајот на годината посакуваме, работиме и очекуваме да станеме 30-та членка на НАТО.“, изјави Шеќеринска.