Шест лица повредени во сообраќајна несреќа кај Бошков мост

На регионалниот пат Маврови Анови – Дебар се случила сообраќајна несреќа во која со повреди се здобиле шест лица, од кои две потешко повредени. Според информациите од СВР Тетово, несреќата е регистрирана вчера наутро околу 8 часот и 20 минути во близина на Бошков мост. Во неа учествувале автомобил „пежо“ со охридска регистрација што го возел дебарчанец и “опел астра“ со гостиварски таблици, управувана од 73 годишен жител на селото Сенокосе.

Во сообраќајката вкупно шест лица биле повредени и пренесени во болницата во Дебар. Две од нив, кои биле сопатници во астрата, поради сериозноста на повредите биле префрлени во болницата „Св.Еразмо“ во Охрид.

По овластување на Јавен обвинител извршен е увид. Првично причина за несреќата е недржење страна и брзо возење.