Шест момчиња на возраст од 16 до 20 години прекршиле полициски час во Гостивар

Во периодот од 20 часот вчеравечер до 5 наутро, полицијата во Гостивар регистрирала вкупно шест прекршувања на забраната за движење. Во сите шест случаи се работи за млади момчиња, кои биле затекнати на улица.

Во 23 часот и 10 минути, на улицата „143“ полицијата затекнала тројца малолетници од Врбјане, на возраст од 16 и 17 години. Во 23.30 часот на ул „Илинденска“ се шетал 20 годишник од Чегране, додека во еден и половина после полноќ на ул „Браќа Ѓиноски“, биле фатени двајца 19 годишни гостиварци.

СВР соопшти дека сите лица биле лишени од слобода и се соочуваат со пријави за прекршување на забраната за движење.

Во текот на изминатото деноноќие,  според статистиката на Секторот за внатрешни работи Тетово за неносење заштитни маски на подрачјето на Гостивар биле казнети 61 лице.