Шесте најголеми научни откритија во последнава деценија – прв дел

Издвојуваме шест големи научни откритија кои ја обликуваа изминатава деценија.

Од откривањето на елементи кои ја сочинуваат основата на животот на Марс до огромен успех во уредувањето на гените и напредокот на вештачката интелегенција.

Дали сме сами во универзумот?

Се уште не знаеме дали на Марс некогаш постоел живот, но благодатејќи на малиот робот на шест тркала знаеме дека на “Црвената планета“ имало услови за живот. Непосредно после слетувањето на 6-ти август 2012-та година, роверот на НАСА, Куриосити, открил заоблени и мазни камчиња, доказ дека на оваа планета пред неколку милијарди години течеле реки. Од тогаш собрани се уште докази кои докажуваат дека на Марс навистина имало многу вода, неговата површина била прекриена со врели извори, езера, а можеби дури и океани.

Куриосити во 2014-та година, исто така открил елементи кои ја сочинуваат основата на животот, односно сложени органски молекули. Така продолжува потрагата по докази дека животот ваков каков го познаваме на Земјата не е единствен во универзумот или барем дека не бил одсекогаш.

Два нови ровери ќе бидат лансирани во текот на следнава деценија, американскиот Марс 2020 и европскиот Росалинд Френклин, кои ќе трагаат по древни микроби.

Влегувајќи во новата деценија, истражувањето на Марс ќе го промени фокусот на прашањето “дали на Марс постоеле услови за живот?“ во прашањето “дали Марс поддржувал или поддржува живот?“, рекла Емили Лакдавала, геолог во американската непрофитна организација Планетарно друштво.

продолжува…