Шесте најголеми научни откритија во последнава деценија – втор дел

Ајнштајн бил во право (повторно)

Долго време мислевме дека ова мало катче во универзумот кое го нарекуваме дом е единствено, но набљудувањата кои ги овозможи вселенскиот телескоп Кеплер покажале дека сме погрешиле. Ланасиран во 2009-та Кеплер помогнал да се идентификуваат повеќе од 2.600 планети надвор од Сончевиот систем, познати како егзопланети, а астрономите веруваат дека секоја ѕвезда има своја планета, што значи дека ги има милијарди вакви планети.

Наследникот на Кеплер, телескопот ТЕСС, НАСА го лансирала во 2018-та година продолжувајќи ја потрагата по вонземен живот. Во наредната деценија може да очекуваме подетални анализи на хемискиот систем на атмосферите на овие планети, рекол Тим Свиндл, астрофизичар на Универзитетот во Аризона. Оваа година исто така за прв пат здогледавме црна дупка благодарејќи на наизменичната работа на мрежата од телескопи Евент Хоризон Телескоп.

“Очекувам дека до крајот на идната деценија ќе работиме висококвалитетни снимки од црните дупки и во реално време кои ќе ни откријат не само како тие изгледаат, туку и како се однесуваат на вселенската сцена“, рекол директорот на овој проект Шеп Долеман.

Но едно случување од минатава деценија, без сомневање, ќе се издвои од сите останати: на 14-ти септември 2015-та година за прв пат се детектирани гравитациски бранови, бранување простор – време. Судар на две црни дупки пред 1,3 милијарди години бил толку силен што брановите патувале низ вселената со брзина на светлината. Тоа утро, конечно пристигнале до Земјата. Феноменот го предвидел Алберт Ајнштајн во својата општа теорија на релативитетот и ова бил доказ дека е во право.

Продолжува…