Вести
Шпат Исеини, кандидат за градоначалник на Гостивар од Коалицијата Алијанса за Албанците (НДП-Унитети)
„Приоритет во Програмата ни е создавањето на нови работни места“
1. Што содржи вашата Изборна програма? Кои се приоритетните проекти со кои ја барате довербата на граѓаните на овие Локални избори?
Нашата изборна програма ги содржи сите локални проблеми и теми, бидејќи имаме доволно искуство за проблемите во Општина Гостивар, било тоа како директни актери или индиректно преку Советот на општината. Приоритет во нашата програма е создавањето на нови работни места, особено во приватниот сектор, преку создавање на максимални услови за нови инвестиции преку слободна економска зона, но исто така и во јавната администрација. Друг приоритет е децентрализацијата, особено фискалната децентрализација, зголемување на враќање на ДДВ до минимум 10%, зголемување на приходи од различни такси, соодветна алокација на дотации за капитални инвестиции, целосна имплементација на 1% од БДП за еднаков регионален развој, што се сите предуслови за развивање на локалниот економски развој, а истовремено и нови работни места. Други приоритетни проекти се завршување на сагата со филтер станицата на водата за пиење, објава на конкурс за идејно решение за плоштадот на градот, менаџирање и рециклирање со отпадот, и регулирање на хаосот во сообраќајот. Тоа се само еден дел од приоритетите на нашата изборна програма.
2. Што предвидувате во однос на задржување на младите во нивниот роден крај, ако се знае дека процесот на иселување на младата популација, па и на цели семејства го зафаќа гостиварскиот крај во поголеми размери изминатата деценија?
Овој феномен не е само гостиварски проблем, туку е проблем на целиот регион на Западен Балкан, па и пошироко. За овој феномен е потребна јасна национална стратегија за да ги задржиме младите, во спротивно последиците ќе бидаат огромни за државата. Тоа што можеме ние, на локално ниво, да направиме е да креираме што повеќе работни места, бидејќи сите анкети велат дека на граѓаните приоритет број еден им е вработувањето, па така ова треба да биде од витален национален интерес.
3. Депонирањето на комуналниот отпад е најгорливиот проблем на Гостивар. Какво решение нудите?
Комуналниот отпад продолжува да биде горчлив проблем за Гостивар, па така решението е многу едноставно. Министерството за животна средина, заедно со Владата мора да им даде целосни ингеренции на општините за менаџирање со комуналниот отпад. Дефинитивно има потреба за промени во законот, да има целосна децентрализација и во областа на комуналниот отпад. Само на овој начин општините ќе имаат можност за поголема активност во потенцијалот за инвестиции со менаџирање на комуналниот отпад.
4. Што е првото нешто кое ќе го направите доколку седнете во градоначалничката фотелја на 16 октомври?
Првото нешто што ќе направиме доколку го добиеме мандатот од граѓаните е укинување на зонското паркирање бидејќи апсолутно не го реши хаосот во сообраќајот, иако целта на зонското паркирање беше регулирање на хаосот во собраќајот. Исто така, веднаш ќе почнеме со создавање на клима за инвестиции во приватниот сектор, со цел што е можно побргу да создадеме нови работни места.
5. Кој е Шпат Исеини приватно?
Шпат Исеини е 26 годишен, женет, и пораснал заедно со помладиот брат Шкемб Исеини само со мајка им, без татко, точно 20 години. Од време на време, заедно со брат ми и мајката, одиме во Швајцарија да работиме кај вујко ми, за да извадиме парче леб за фамилијата. Многу го сакам спортот, особено фудбалот, каде од време на време играм и активно со пријателите. Едно време бев и фудбалски судија, но сега немам доволно време. Сега сум посветен професионално на политиката, и сум апсолвент на политички науки на Универзитетот на Југоисточна Европа во Тетово.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар