Што да јадете за да го намалите холестеролот во крвта?

Покачените вредности на маснотии во крвта, особено холестеролот е честа мака на современиот човек. За тоа придонесуваат лошите навики во исхраната, стресното секојдневие, физичката неактивност. Но, имајќи во предвид дека холестеролот може да предизвика сериозни последици по здравјето, треба да се поведе сметка и да се направат промени во поглед на исхраната, фежбањето, релаксирањето.

Задолжително внесете ги оревите во вашето мени. Наместо да грицкате нездрави грицки, чипс и слично, земете грст ореви. Тие се најдобриот начин во својот организам да ги внесете потребните здрави масти (ХДЛ холестерол) без грижа на совеста. Масните киселини кои ги добиваме од оревите се природни и не се хемиски обработени, па така тие се исклучително здрави за срцето.

Французите обожаваат да јадат ореви, а токму тие може да се пофалат со здрава крвна слика и регулирани вредности на маснотии.

Темното или црно чоколадо изобилува со антиоксиданси и лековити состојки кои помагаат во намалување на холестеролот. Антиоксидансите делуваат врз заштита на црниот дрбо од замастување. Стручњаците сметаат дека со секојдневно конзумирање на 50 грама црно чоколадо ќе се намали појавата од кардиоваскуларни проблеми за 21%.

Јаболката може да го намалат холестеролот за неверојатни 38%. Но, за да го постигнете тој процент потребно е да ги јадете секојдневно или пак да пиете свеж природен сок од јаболко.

Од риба одберете лосос. Изобилува со омега-3 масни киселини кои се добри за срцето и го намалува високото ниво на холестерол во крвта.