Што е катаракта и како да се ослободите од неа?

Катаракта (перде) е заматување на природната леќа.Таа се појавува кај околу 70% од лица постари од 75 години и може да биде и вродена. Катарактата може да биде последица и на траума, метаболички болести (дијабетес, галактоземија), лекови (кортикостероиди), а може да настане и како компликација на други очни болести (увеитис, глауком) и да се појави заедно со други синдроми (на пр. Даунов синдром).

Во некои случаи, кај почетната катаракта, видот може да се подобри со очила затоа што испакнувањето на леќата предизвикува миопизација (минус диоптрија), но со тек на времето и со напредувањето на заматувањето на леќата, очилата веќе не се корисни и единственото решение е операција на катаракта (перде).

Симптомите на катаракта (перде), односно како може да осетите дека можеби имате катаракта се се манифестираат со:

• заматување на видот;
• губење на контраст;
• заблескување при јако светло;
• двојна слика;
• проблеми при читање, гледање ТВ и возење.

Моментот кога ќе се посомневате, треба да појдете на преглед за да добиете и потврда од офталмолог. Прегледот за катаракта се состои од: рефракција, одредување на видна острина, мерење на очен притисок, преглед на очно дно, Ехо, Биометрија, IOL master. Оптичка биометрија е прецизна и точна неинванзивна метода со која се мерат анатомските карактеристики на очите. Со оваа метода се калкулира јачината на интраокуларната леќа кое мерење е потребно пред да се направи операцијата на катаракта. Точната калкулација на диоптрија на интраокуларните леќи е многу важна за остар постоперативен вид односно пациентот да гледа јасно по операцијата. За да се одреди јачината на диоптријата се користи апаратот кој се вика IOL master. Сите дијагностички испитувања се безболни.

Катарактата и покрај тоа што може да  биде причина за губење на видот, само со еднодневна процедура ќе биде минато. Со модерната хирургија, со операција на катаракта (перде) се отстранува и диоптријата.

Операцијата на катаракта (перде) може да се направи и на двете очи во ист ден. Прво се отстранува катарактата на едното око и се вградува интраокуларна леќа. Во текот на операцијата, пациентот е буден и разговара со хирургот и не чувствува болка.

Во првите 3 дена по операцијата, треба да се избегнува миење на лице со обична вода и триење на окото и првиот месец да се избегнува потешки напори како и кревање на тешки предмети. Особено е важно редовно и правилно да се користи пропишаната терапија. Најчесто спортските активности вообичаено се дозволени веќе по 2-3 недели по операцијата, во зависност од возраста на пациентот и интензитетот на вежбање.

„Систина Офталмологија“ Гостивар

Понеделник – Петок од 09:00 до 17:00 ч.
☎️ +389 42 210 800
☎️ +389 72 809 800

„Систина Офталмологија“ Тетово

Понеделник – Петок од 09:00 до 17:00 ч.
☎️ +389 44 357 111
☎️ +389 72 799 111

(комерцијална објава)