Што е штетно, а што му годи на вашиот мозок?

Наместо да му отежнувате на вашиот мозок, зошто да не се обидете да го негувате и за него нежно да се грижите. Внимавањето на мозокот, ќе ви донесе многу добри нешта. Вака советува Мајид Фотухи, основачот на центарот за проучување на мозокот во Соединетите американски држави, кој вели дека на мозокот, можеме свесно да влијаеме. Според основа на своето истражување, тој направил листа на причинителите кои му штетат, но и на тие што го чуваат човечкиот мозок.

Сон

Уреден и квалитетен сон, кој подразбира ноќно континуирано спиење, најмалку шест, а најмногу осум часа, ветува непречено функционирање на мозокот.

Штитна жлезда

За да работи добро мозокот, мора и штитната жлезда добро да работи. Ако нејзината „виталност“ се наруши, последиците ги трпи целиот организам.

Пушење

Истражувањата покажуваат дека цигарите го оштетуваат мозокот, бидејќи негативно влијаат врз текот на крвта низ овој орган. Пушењето ја намалува неговата функција, што долгорочно се покажува како голема опасност.

Депресија

Мрачно расположение, анксиозноста и потиштеноста, долготрајно влијаат на мозочните клетки, кои престануваат правилно да работат.

Стрес

Хормоните на стресот, влијаат на деловите од мозокот кои ја контролираат меморијата. Хроничен или повторуван стрес, во голема мера му штетат на овој ораган.