Здравје и убавина
Што ќе се случува во вашето тело кога ќе престанете да пушите?
“Со 4000 штетни хемикалии во секоја цигара, секогаш кога ќе вдишите чад во вашите бели дробови, му нанесувате штета на вашето тело, вашето лице, на забите и кожата“, тврди др. Питер Селби, клинички директор на програмата за зависности и ментално здравје во Торонто.
Кога ќе престанете да пушите, безмалку истиот момент вашето здравје започнува да се подобрува. Иако одвикнувањето не е едноставно, ако се сконцентрирате на следниве здравствени придобивки, тоа сигурно ќе ви помогне да ги оставите цигарите.
Ова се промените кои се случуваат во вашето тело кога ќе престанете да пушите.
После 20 минути: Вашиот крвен притисок и пулсот ќе опаднат. Температурата на рацете и нозете ќе се врати во нормала.
После 8 часа: Јаглеродмоноксидот во крвта ќе падне на нормала. Нивото на кислород ќе се зголеми на нормала.
После 24 до 48 часа: Ризикот од срцев удар се намалува. Вашиот вкус и мирис се зајакнати.
После 72 часа: Дишењето станува полесно. Имате повеќе енергија.
После две недели: Вашата циркулација се подобрува и продолжува да се подобрува следните 10 недели.
После два до три месеци: Вашата циркулација е значително подобрена. Пешачењето станува полесно. Функцијата на белите дробови се зголемува за дури 30%.
После девет месеци до една година: Се намалува кашлањето, заморот, проблемите со синусите и отежнатото дишење. Белите дробови се многу поотпорни на инфекции. Ризикот од срцеви заболувања се намалува за половина, во однос на пушачите.
После три години: Ризикот од срцеви заболувања и мозочен удар се намалува на ниво на непушач.
После пет години: Шансите да заболите од рак на белите дробови се намалуваат безмалку за половина, во однос на пушачите. Ризикот од рак на уста, грло и хранопровод исто така е намален за половина.
После десет години: Шансите де умрете од рак на белите дробови се еднакви на шансите на лицата кои никогаш не запалиле цигара. Преканцерозните клетки се заменети. Ризикот од рак на уста, грло, хранопровод, мочниот меур, бубрег и панкреас значително се намалува.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар