Постојано ги губите клучевите, цртате додека муабетите на телефон, често доцните…Што овие навики зборуваат за вас?

Секогаш доцните? Се појавувате на договореното место 20 минути подоцна од тоа што треба? Лошата вест е дека не се случува тоа секогаш поради премногу обврски, туку затоа што не го почитувате времето на останатите.

Психологот Жозеф Месинжер во својата книга „Откривање на нашите мании“, вели дека секоја навика всушност го соголува нашиот карактер, а ние не сме свесни за тоа. На неговата листа покрај доцнењето се најдоа и неколку други работи кои не разоткриваат.

Разговарате сами со себе

Тоа што се фаќате самите себе како гласно размислувате и си повторувате секогаш кога имате можност, ја покажува желбата да го слушнете својот глас, со што би ви се повратило чувството на сигурност.

„Тој дијалог е одличен начин подобро да го запознаете своето „јас“ кое е составено од три дела: духовен – она во што верувате, психички – она што го мислиме и динамички – оној кој делува. Верата, интелигенцијата и акцијата се трите фактори на животот“, вели Месинжер.

Секогаш ги одложувате работите

Ако сте од оние кои непрестано ги одлагаат своите активности или важните работи за нареден ден или наредна недела, тоа би можело да значи дека сте перфекционист во претерани размери. Но, токму тоа значи дек ви недостига самодоверба или имате страв од неуспех. Често се случува луѓето никогаш да не напредуваат затоа што секогаш имаат изговор дека го чекаат вистинскиот момент, момент кој никогаш нема да дојде.

Цртате додека разговарате

Ниту еден ваш дијалог, телефонски или во живо, не може да помине без цртеж кој несвесно сте го направиле?

„Оваа компулсивна манија или потреба за цртање ги открива чувствата на внатрешното незадоволство. Можно е да сметате дека не сте на работно место кое го заслужувате или вашиот живот не е онаков како сте замислувале“, предупредува Месинжер.

Ако имате потреба да цртате додека разговарате со некоја личност преку телефон, тоа значи дека таа личност ви прави стрес и ви ја краде енергијата.

Ги губите клучевите

Секој ден по џебовите ги барате клучевите од автомобилот или станот? Психологот кажува дека таа навика зборува за тоа дека сте незадоволни од животот. Доколку се во прашање клучевите од домот, значи дека не ви се оди таму, а ако се клучевите од работа, не ви одговара работата.