Што треба да знаете за дрогата?

Денешниот датум, 26-ти јуни е Светски ден  на борба против дрога. Информирањето на јавноста за опасноста од овој проблем и борба против криминал поврзан со дрога, се најважните цели на сите организации кои го одбележуваат овој ден.

Дрогите ги вклучуваат сите агенси кои можат да предизвикаат зависност. Под зависност се подразбира несовладлива желба за дрога, силна желба за набавка и конзумирање дрога по секоја цена, со тенденција за зголемување на дозата како зависноста трае подолго.

Физичката зависност имплицира промени во функционирањето на органите, што се случува после подолго конзумирање на дрога. 

Ментална зависност е изменета состојба на организмот, поради која лицето чувствува потреба за постојана употреба на дрога, со цел да се задржи чувство на добра ментална состојба и задоволство. 

Претежно психичка зависност предизвикуваат кокаинот, канабисот и некои халуциногени. Останатите (опијати, амфетамини, некои седативи, итн) предизвикуваат и ментална и физичка зависност.

Научните докази покажуваат дека зависноста од опијатите најдобро се лечи со  континуирана амбулантска терапија, лекови и следење, со цел задржување на пациентот на лекување. Метадонската терапија во комбинација со релевантните социјални, здравствени и психолошки услуги, има најголеми шанси да биде делотворна во случаите со долгодишни зависници.