Штрајкот во училиштата и градинките продолжува!

СОНК попладнево на прес конференција соопшти дека генералниот штрајк во училиштата и градинките продолжува, а предлогот што го добиле од Владата не бил прифатлив за синдикалците.

„Наша искрена желба и заложба е да се најде соодветно решение, се надеваме на конструктивност во преговорите, да се дојде до прифатливо решение и учениците да се вратат во училишните клупи. Тоа што беше понудено, зголемување од 10% нашето членство го отфрли. Над 95% од синдикалните организации се за продолжување на штрајкот. Сакам да ги отфрлам сите можни обвинувања дека некој стои позади штрајкот на СОНК, нашите колеги се од различна политичка припадност. Членството смета дека не е доволно 10%, тоа се изедначува со процентот на инфалција што е споменат деновиве и практично со ова само се нивелира инфлацијата. Надлежните мора да излезат во пресрет на нашите аргументи дека сме во право.“, изјави претседателот на СОНК, Јаким Неделков.