Поврзи се со нас

Вести Гостивар

Швајцарија дава 50 илјади франци за Гостивар – граѓаните може да одлучат на што ќе се потрошат парите

Општина Гостивар преку проектот „Зајакнување на општинските совети” ќе добие 50 илјади швајцарски франи за реализација на локални проекти. Приоритетите, во што ќе се вложат овие пари ќе ги одберат граѓаните.

Како што информираат од гостиварската локална самоуправа, приоритетите ќе се определуваат на посебни средби, таканаречени Проектни форуми. „Главната тема на форумите ќе биде социјалното вклучување, родова еднаквост, добро владеење и мултиетничката соработка. Планирано е да се одржат четири форумски сесии, на кои ќе се разгледуват приоритетите на граѓаните во рамките на дадената тема. Во рамките на буџетот од 50 илјади франци, ќе се финансират еден до три проекти што ќе бидат избрани и обработени од граѓаните учесници на форумите“, објаснуваат од Општина Гостувар.

Првата форумска сесија ќе се одржи 18 јуни (втoрник) вo прoстoрите на О.У. Мустафа Кемал Ататурк – Гoстивар (училишна caла), сo пoчетoк oд 18 часoт. Локалната самоуправа упати покана до сите заинтересирани граѓани да бидат дел од настанот и да земат активно учество.

Проектот „Зајакнување на општинските совети” е финансиран од Швајцарска агенција за развој и соработка, а се спроведува преку Програмата за развој на обединетите нации (UNDP).

Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно

error: Содржината е сопственост на Gostivarpess.mk!