Претседателски 2019
Силјановска Давкова од Гостивар: Ми давате надеж дека има шанса за право и правда во Македонија
„Се ближи денот на изборите, секојдневно сум меѓу луѓето во мојата убава земја, контактирам со нив, црпам енергија од сите страни, од прекрасните луѓе и од мојата земја и тоа ми дава надеж дека има шанса за Македонија и дека правото и правдата ќе дојдат“, истакна кандидатката за претседател на државата поддржана од ВМРО-ДПМНЕ, Гордана Силјановска Давкова на вечерашниот митинг во Гостивар.
Во своето обраќање Силјановска Давкова нагласи дека земјава се соочува со сериозни проблеми, партиска админстрација и дека власта не започнала да спроведува никакви реформи.
„Нема правна држава. Не може да се вирее во амбиент на корупција, криминал, непотизам. Да не зборуваме за партиските, политичките вработувања во администрацијата, која е претворена во неквалификувана армија. Речиси не ни почнале да спроведуваат никакви реформи. Вака не се оди во ЕУ, вака не се отпочнуваат преговори. Ова е авторитарна власт, а не демократска. Време е да ја делигитимираме и да покажеме дека има партии и луѓе кои знаат да креираат европски политики. И овој Парламент, не е Парламент. Веќе како никој да не се исчудува што се` се усвојува таму“, рече кандидатката за претседател, која упати и критики кон Уставниот суд.
„Одамна немаме Уставен суд што ги штити законите и Уставот. Со прст не мрднаа за Преспанскиот договор, со прст не мрднаа за Законот за јазиците.“, рече Силјановска Давкова.
Таа ги повика граѓаните да излезат и да гласаат на изборите, да нема проблемот со изборниот цензус: „Не се сомневам дека ќе го променат Уставот и претседателот ќе го изберат во Парламентот. Тогаш ќе си изберат претседател по нивна мера. Тоа е лошо решение, не само за опозицијата, туку и за државата.“
Претседателот на ВМРО-ДПМНЕ, Христијан Мицкоски истакна дека граѓаните ја изгубиле довербата во политичарите поради како што рече, лагите на актуелната власт. „Заев дојде таму каде што е коцкајќи се со човечки судбини. Единствена стратегија им е граѓаните да имаат кратко помнење. Сакаат да сте ги заборавиле лагите што ви ги кажувале кога доаѓале овде. Тие дојдоа на власт со неправда, но ние треба да ја замениме со правда. Стојам пред вас и ве замолувам да ни дадете ѓанса да покажеме дека сме ралични од другите, дека имаме чест, интегритет и достоинство“, рече Мицкоски.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник