Синалоа на нозе – Во „царството на кокаинот“ пристигна новиот тренер Марадона

Диего Армандо Марадона има нов клуб. Во новата средина ќе има два предизвика: да го врати фудбалскиот клуб на врвот и најважната – да му одолее на „белиот прашок“.

Легендарниот аргентински фудбалер Диего Марадона пристигна како мега звезда во познатата Синалоа, во градот Кулијакан – неофицијално, престолнина на најјакот картел на светот, Синало, да го тренира тамошниот Дорадос де Синалоа кој се натпреварува во втората мексичка лига.

Диего веќе го одработи и првиот тренинг на кој беше ви центар на вниманието. Огромен број на медиуми и навивачи беа собрани да ја поздрават фудбалската легенда. Марадона се подразбира не им остана должен. Во негов стил им возвраќаше на овациите испраќајќи им бакнежи, со раширени раце, скокајќи, пеејќи.

Повикот од Мексико за Диего стигна како порачан. Веднаш ја напушти функцијата како претседател на белорускиот Динамо од Брест и замина за Мексико. Каде му очекува голем предизвик на два фронта професионален и животен.

„Имав многу падови во животот. Сега имам одговорност како да држам мало дете во рацете. Кога земав дрога, правев чекор наназад, а сега единствено што мора моите фудбалери да прават е да чекорат напред. Овде дојдов за да работам, ништо друго не ме интересира“, изјави Марадона на конференцијата за медиуми.

Местото во кое пристигна, во сојузната државата Синалоа е престолнина на најјакиот нарко картел на светот со кој раководи Хоакин Ел Чапо Гузман. Местото е уште познато и како царството на кокаинот. Картелот Синалоа е еден од најмоќните и најопасните организации на светот, производство и криумчарење на дрога, перење пари, трговија со луѓе, убиства, киднапирања се нивните активности. Додека на нарко пазарот пристуни се во САД, Јужна Америка, Европа, Австралија, Западна Африка и Нов Зеланд. Дали Диего се одлучи за овој потег поради првиот или вториот мотив знае само тој.

„Ти веруваме Диего, овде никогаш нема да те критикуваме, ќе те обожаваме“,  е пораката со која го пречекаа навивачите во Синалоа.