Македонија
Синдикалците утре ќе маршираат за работнички права
Синдикалните организации утрешниот Меѓународен ден на трудот, 1 Мај ќе го одбележуваат со маршеви за работнички права низ улиците на главниот град, Скопје.
Сојузот на синдикатите на Македонија најави дека Синдикалниот марш ќе го спроведе под мотото “Не може да се одлучува за нас, без нас” , а ќе започне во 11 часот пред зградата на ССМ. „Се залагаме за брза и ефикасна реализација на работничките приоритети: договори за вработување на неопределено време, стоп за договорите на определено време подолго од 1 година, сабота и недела, денови на неделен одмор, 12 месеци породилно отсуство, минимална плата најмалку 13.800 денари, платите да пораснат, младите да останат, регрес за годишен одмор за сите, стоп за зголемување на границата за пензионирање, здрави и безбедни работни места, стоп за мобинг и дискриминација, стоп за мешање во синдикалното организирање, унапредување на колективното договарање.“, наведуваат од ССМ.
Конфедерацијата на синдикални организации на Македонија ќе го отпочне својот марш од пред зградата на МРТ во 10 часот. „Ги повикуваме сите вработени во државниот и приватниот сектор да се приклучат на првомајскиот марш на работниците со цел да ги презентираме барањата на работниците: достоинствено вреднување на трудот на работниците, исплата на годишен регрес во државниот сектор, измена на Законот за работен однос, либерализација на синдикалното делување, почитување на репрезентативноста на Независните
синдикати.“, се вели во нивниот повик.
Марш ќе организира и Самостојниот синдикат на новинари и медиумски работници.
фото: ССМ
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник