„Систина“ ќе врши бесплатно мерење на очен притисок во паркот во Гостивар

Тим на Систина Офталмологија денес (27 јуни) во 18 часот ќе врши бесплатно мерење на очен притисок. Настанот е во организација на Општина Гостивар, а пунктот ќе биде поставен во големиот градски парк. Освен мерење на очен притисок, граѓаните ќе може бесплатно да го проверат нивото на шеќер во крвта и крвниот притисок. Овие проверки ќе ги вршат средношколци од гостиварското медицинско училиште.

Систина Офталмологија во соработка со Општина Гостивар, неодамна реализираше проект „За здрави очи и јасен вид кај децата“. Медицинската екипа посети 21 основно училиште и направи скрининг на видот на околу 3500 дечиња од прво до петто одделение, на територијата на цела Општина Гостивар.

Целта на проектот беше да се направи едукација и скрининг на очите на дечињата, зошто раната детекција на анималиите со видот е од огромно значење за идно правилно развивање на видот, а воедно и целокупното напредување на детето и неговиот успех во учењето, појаснија од Систина.