Сите бои во едно јадење – пробајте корејски палачинки со зеленчук

Овој рецепт особено ќе ги воодушеви љубителите на зеленчукот и оние кои сакаат да ги имаат сите бои во едно јадење. Корејските палачинки се подготвуваат лесно, превкусни се и многу убаво изгледаат кога ги сервирате во чинија.

Состојки:

3 листа кинеска зелка

2 моркови

1 главица кромид

1/2 црвена пиперка

1/2 тиквичка

1 компир

За смеса:

2 јајца

2 чаши брашно

2 чаши вода

4 лажици масло

1 лажичка сол

Зачини:

Сусам, оригано и други по вкус

Подготовка: Добро се мешаат јајцата, брашното, водата, солта и маслото. Зелката, пиперката, кромидот и тиквицата, убаво се мијат и се сечат на тенки ленти, а морковот и компирот, треба да се изрендаат. Потоа смесата и така подготвениот зеленчук се мешаат, па се додаваат зачините. Палачинките се пржат исто како и обичните, на тефлонско тавче со намачкано малку масло или путер.