Сите здравствени предности на сувата брусница

Сувото овошје важи за здраво, но во комерцијалното производство се додаваат големи количини шеќер, што го класифицира како алтернатива на слатките, а не на здравата храна. Доколку купувате сува брусница во продавниците, се препорачува да ги јадете во помали количини.

Сувата, а исто така и свежата брусница ги содржи истите хранливи материи, особено диеталните влакна и антиоксидансите, посебно ако се минимално обработени. Со консумирање на 1/4 шолја сува брусница ќе го добиете истиот витамин како со една порција овошје и зеленчук или 25 проценти од препорачаната дневна доза.

Сувата брусница, без додаден шеќер, многу позитивно влијае на организмот. Добра е за целиот метаболизам, а особено за имунолошкиот систем и срцето.

Сувите зрна брусница немаат холестерол, заситени и транс масти, а исто така се добар избор на влакна, односно имаат само 40 грама од ова овошје содржи осум отсто од дневната вредност на влакна. Полни се со витамин А, содржат витамини од Б комплексот, витамин К, а има и минерали бакар, манган и железо.

Брусницата го подобрува оралното здравје, бидејќи содржи елемент кој спречува бактериите да се залепат за забите. Таа исто така помага во спречување на болести на непцата.

Сувата брусница исто така ги спречува инфекциите на уринарниот тракт. Кога ги јадете зрната сува брусница, добивате голема доза на проантоцијанидини, а тие се антиоксиданси кои ги спречуваат бактериите кои предизвикуваат инфекција да се залепат на ѕидовите на уринарниот тракт.

Сувата брусница го намалуваат и ризикот од кардиоваскуларни болести, бидејќи содржи полифеноли со антивоспалителни својства. Тие помагаат да се намали хипертензијата и да се спречи акумулација на тромбоцитите, што резултира со намален ризик од кардиоваскуларни проблеми.

Свата брусница без шеќер може да биде корисна за луѓето со дијабетес тип 2. Ако немаат дополнителен шеќер или им се додава мала количина шеќер, зрната брусница имаат помал гликемиски индекс, па затоа има помала реакција на инсулин.