Скоро 260 физички напади, тепачки и навреди на службени лица во Гостивар лани

Минатата година на подрачјето на СВР Тетово регистрирани се вкупно 547 нарушувања на јавниот ред и мир, од кои на тетовското подрачје 289, а на гостиварското 258. Како што информира полицијата во нив биле инволвирани вкупно 718 сторители (Тетово-422 и Гостивар-296). Најголемиот број од прекршоците се целосно расчистени со изготвување на 551 барање за поведување на прекршочна постапка  (Тетово-319 и Гостивар-232).

Повеќе од половината од прекршоците се случиле во град, а меѓу сторителите најбројни се машките лица, претежно на возраст над 25 години, но евидентирани се и 6 сторители-малолетници, информира портпаролот на СВР Тетово, Марјан Јосифоски.

Меѓу прекршоците по вид и карактер повторно најзастапени се физичките напади, тепачки, навредување и омаловажување на овластени службени лица и така натаму.