Слаби снежни врнежи во Маврово, Попова Шапка, Крива Паланка

Во Маврово, Попова Шапка и Крива Паланка, како и на планинските превои Буково и Пресека денеска се бележат врнежи од снег со слаб интензитет, кои во моментов не преставуваат пречка за одвивање на сообраќајот.

Како што информира АМСМ, сообраќајот на државните патишта се одвива непречено, по претежно влажни коловози, со умерен интензитет на патните правци надвор од градските средини.

На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.