Слаѓан Маркоски стана прв ФИФА меѓународен фудбалски судија од Гостивар

Вчера во Инекс Горица во Охрид, од страна на судиската организација при Фудбалската Федерација на Македонија, свечено беа промовирани новите фудбалски судии од Македонија кои се закитија со престижната ФИФА значка.

Триесетиедногодишниот Слаѓан Маркоски, стана првиот фудбалски арбитер во машка категорија од Гостивар, кој се закити со ваква ФИФА значка. Тоа значи дека носителите на овој амблем, може да се делегираат на меѓународни натпревари од највисок ранг на натпреварување како што се: Лига на шампиони, Лига Европа, квалфикации за европски и светски првенства, Лига на нации и сл.

Маркоски е професионален фудбалски линиски судија 13 години, има судено над 500 фудбалски натпревари во сите рангови на натпреварување во земјава. Осум години е на единствената судиска листа со повеќе од 60 натпревари во Првата фудбалска лига.