Слатки чоколадни чинии кои ќе ги воодушеват децата

Еве една многу интересна и вкусна идеја. Чинии од чоколада. Одвојте малку време и направете ги овие вкусни чоколадни чинии со кои, сигурно, посебно ќе ги воодушеват децата.

Од материјал не ни е потребно многу:

• 300 гр чоколадо
• ножици
• неколку балони
• хартија за печење

Најпрвин ја растопуваме чоколадата. Потоа на хартијата за готвење истураме по малку од растопената чоколада и со помош на лажица формираме кругови кои понатака ќе ни послужат како основа за чоколадните чинии. Откако убаво ќе се измијат, надуените балони ги натопуваме во малку разладената чоколада, на дното, односно онолку колку што е потребно да се добие форма на чинија и ги ставаме врз предходно направените подножја. Потоа ги ставаме да се изладат, се додека чоколадата не добие тврда форма. Со ножици ги дупнуваме балоните за да се отстранат од чоколадата и чоколадните чинии се спремни за сервирање. Во нив може да се служи сладолед, овошје, овошна салата и др. Одлична идеја да ги изненадите вашите деца, пријатели. На здравје!