Следува топло време со услови за дестабилизација во попладневните часови

Денес е понеделник, 244-от ден од годинава. Сонцето изгреа во 6 часот и 1 минута, а денот ќе трае 13 часа и 9 минути. Времето ќе биде сончево и многу топло, а максималната дневна температура ќе се искачи до 35 степени.

Утре (вторник) во претпладневните часови времето ќе биде сончево со мала до умерена облачност, но попладне се очекува локален развој на нестабилна облачност со краткотраен пороен дожд и грмежи. Се очекува и мало опаѓање на температурите кои ќе се движат од 14 до 32 степени.

Во среда очекувајте сончево време со мала до умерена облачност и умерен ветер. Температурата ќе се движи помеѓу 18 и 28 степени.

Во четврток времето ќе биде сончево со мала до умерена облачност со услови за локален развој за нестабилна облачност со краткотраен пороен дожд и грмежи во попладневните часови, додека во петок очекувајте променливо облачно време со услови за локален пороен дожд и грмежи. Температурите ќе се движат од 17 до 31 степен во четврток, односно од 16 до 29 степени во петок.