Следуваат мартовски денови со зимски временски услови

Од вчера целата земја е под снежна покривка, а времето во деновите од новата работна недела продолжува со студ и променливи услови.

Денес, понеделник ќе биде облачно со врнежи од снег на планините и на повисоките места. На пониските преку ден се очекуваат врнежи од дожд, додека во вечерните часови ќе преминат во снег. Температурата ќе се движи од -3 до 1 степен.

Во вторник и среда ќе владее променливо облачно и студено време со сончеви периоди. На места ќе има провејување на слаб снег, ќе дува умерен до засилен ветер од северен правец. Утрата ќе бидат особено студени со температурите до -7, додека дневните ќе достигнат 5 степени.

Во четврток и петок метеоролозите истотака предвидуваат променливо облачно и студено време со сончеви периоди, со благо покачување на дневната температура.