Македонија
Слепите лица денеска излегоа на протест пред Владата
Националниот сојуз на слепите на Република Северна Македонија (НССРСМ) денеска одржа протест пред Владата под паролата „Дајте ни ги правата“.
Протесниот марш во кој учество зедоа слепи лица од сите градови во државата, во 12 часот тргна од хуманитарниот дом „Даре Џамбаз“ и учесниците држејќи се за јаже еден позади друг, стигнаа до пред зградата на Владата, каде што си ги побараа своите права.
Слепите лица побараа зголемување на додатокот за попреченост и за помагала, како и средба со премиерот Димитар Ковачевски.
-Бидејќи не најдовме решение на разговорите, веќе подолго време бараме прием кај премиерот за да ги искажеме нашите барања, а тоа се додатокот за попреченост да биде четириесет отсто од просечната плата во државава, триесет отсто туѓата нега од просечната плата и помагала, бидејќи сме единствена држава на оваа земјина топка каде слепите немаат никакви права за помагала, рече Жарко Селковски претседател на НССРСМ.
Тој истакна дека за десет години и покрај соочувањето со кризите, добиле зголемување од само 500 денари на додатокот. Додавајќи дека не постои официјална статистика за тоа колку лица се засегнати со овие проблеми, но дека отприлика станува збор за 10.000, вклучувајќи ги сите заедно со сите приматели на правото на попреченост.
Селковски изрази надеж дека премиерот ќе ги повика на средба. Но, рече дека доколку не добијат никаков одговор ќе го свикаат Извршниот одбор и ќе се одлучи кои ќе бидат следните чекори.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk