Случај Симница: Пациентите на инфективна стабилни, нови заразени нема

Состојбата со заразата меѓу жители на гостиварското село Симница, за сега останува непроменета. Според информациите од Министерството за здравство пациентите кои беа хоспитализирани на Инфективната клиника во Скопје, се во добра состојба, а нови пациенти нема.

Со оглед на тоа што лабараториски беше потврдено дека двајцата починати имале хантан вирус, што се пренесува преку глодари, во селото и на нивното бачило се преземаат мерки за дератизација и дезинсекција.

Изворот на заразата допрва треба да се утврди. Се чека и на резултатите од мострите од вода, крвта земена од овците, храната, сирењето и млекото.