Снежна недела во Гостивар

Неделниот ден во Гостивар поминува со снежни врнежи. Снег со слаб интензитет паѓа од утрово и засега не се задржува на површината. Според метеоролошките прогнози, врнежите ќе престанат во текот на денот и од утре времето ќе биде стабилно и суво. Со снегот се расчисти и воздухот во Гостивар, па така денеска до 13 часот нема значително надминување на границите на ПМ10 честички, за разлика од вчера кога загадување имаше речиси преку цел ден, а кулминираше околу 17 часот кога беа измерени над 300 микрограми во метар кубен (минималната граница е 50).

Во Маврово утрово била измерена снежна покривка од 16 сантиметри.