Поврзи се со нас

Вести Гостивар

Со Бугарите заеднички ќе ги славиме Св. Кирил и Методиј, Св. Климент, Св. Наум и Цар Самуил

Владата на вчерашната седница ги прифати сугестиите за заедничко чествување со Бугарија на: Св. Кирил и Методиј, Св. Климент, Св. Наум и Цар Самуил. На предлог на Министерството за надворешни работи, беше усвоена информација за првиот состанок на меѓувладината комисија меѓу Македонија и Бугарија, основана врз основа на член 12 од Договорот за пријателство, добрососедство и соработка одржан во Софија на 10 јуни 2019 година.

„Двете страни се согласуваат да го промовираат договореното и во најкус можен рок да ги усогласат датумите и заедничките одбележувања. При секое официјално чествување на овие личности потребно е историската вистина за нашата заедничка историја јасно да се одбележува.“, стои во соопштението од владината прес служба.

На седницата биле прифатени и забелешките за содржината на учебниците за 5 одделение во Бугарија и за 6 одделение во  Македонија (Праисторија и Античка историја), а поддржан е предлогот на Комисијата за разгледување на наставниот материјал во учебниците за 6 одделение во Република Бугарија и 7 одделение во Македонија (Среден век) до крајот на 2019 година.

„Заедничката мултидисциплинарна експертска комисија за историски и образовни прашања решително да ја забрза својата активност за значајни теми од нашата заедничка историја (Гоце Делчев, Илинденското востание и други), и да настојува да се постигнат реални резултати до крајот на 2019 година, во однос на содржината на учебниците. Прифатено е во својата работа Комисијата строго да се придржува кон одредбите од чл. 8, т. 2 од Договорот за пријателство, добрососедство и соработка, која нагласува дека е неопходен “придонес за објективно, засновано на автентични и засновани историски извори за научно толкување на историските настани”.“, информираат од Владата.

Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно