Гостивар
„Со новата програма преку МојДДВ кај граѓаните ќе се враќаат уште повеќе пари“ – изјава на Филипоски од СДСМ
Мерките, проектите и програмите од областа на финансиите и земјоделството се денешниот фокус во изјавата на кандидатот за пратеник од СДСМ од Гостивар, Драгољуб Филипоски.
„Преку проектот МОЈ ДДВ за само 3 квартали вратени се 10.7 милиони евра кон граѓаните и подобрена е наплатата на ДДВ во буџетот. Со оваа мерка за прв пат државата враќа пари директно на сметките на граѓаните, а апликацијата ја користат над 300.000 наши граѓани. Во новата програма за следниот четиригодишен мандат предвидуваме враќање на уште повеќе пари назад кај граѓаните и компаниите. Го зголемуваме лимитот за повратот на ДДВ кон граѓаните, од 600 на 800 денари месечно. Тоа се 2,400 денари за поединец за тромесечие односно 9.600 денари годишно. Тоа се пари плус во семејниот буџет, кои граѓаните ќе ги вратат назад во домашната економија. Истовремено, продолжуваме со навремен, редовен и неселективен поврат на ДДВ кон фирмите.“, нагласува тој.
Филипоски се осврнува и на земјоделието. „Во изминатите 3 години покажавме што значи вистинска грижа за земјоделците и земјоделството. Субвенциите ги зголемивме, исплатат се одвива редовно, навремено и неселективно.За овие три години, овозможивме директна и индиректна поддршка во земјоделството во историски рекорден износ од над 430 милиони евра. Ја воведовме зелената нафта. 200 милиони денари завршија назад кај 55.000 земјоделци. Поддршката за млад земјоделец ја зголемивме од 10.000 евра на 20.000 евра. Важно ни е земјоделството, важни ни се земјоделците, затоа, грижата за нив во следните четири години продолжува уште повеќе. Годишната финансиска поддршка за земјоделството и руралниот развој ја димензионираме на 200 милиони евра. До 2024 година обезбедуваме целосно бесплатна 100% субвенционирана „зелена“ нафта за сите земјоделци и двојно повеќе пари за поврат на персоналниот данок за земјоделците. Градиме и три нови откупно диструбивни пунктови во Ресен, Скопје и Струмица, за сигурен пласман и поконкурентно производство.“, се вели во неговата изјава.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk