Гостивар
Со парите за светилки и украси Општина Гостивар ќе набави таблети за деца од сиромашни семејства
Наместо за нови светилки, елка и други новогодишни реквизити, поголемиот дел од парите за празничното украсување на Гостивар ќе бидат пренаменети во хуманитарни цели. Тргнувајќи од фактот дека децата од сиромашните семејства немаат услови за одржување на онлајн настава, Општина Гостивар реши финансиските средства за новогодишното китење на градот да ги искористи за купување таблети за ученици од ранливи категории.
Планирано е да се набават 100 вакви електронски уреди.
„Вообичаено за новогодишно украсување од буџетот се издвојувале 1,5 милиони денари. Оваа година, поради пандемијата решивме поголем дел од тие средства да ги употребиме за набавка на таблети за ученици од социјално ранливи семејства, знаеме каква е ситуацијата, има голем број деца што не можат да учат, поради тоа што немаат услови. Украсувањето на градот ќе биде скромно, само во централното подрачје“, рече Валбон Лимани, шеф на кабинет на градоначалникот на Општина Гостивар.
Точна временска рамка кога таблетите ќе бидат поделени на учениците нема, заради тендерските процедури за нивна набавка. Но, од локалната самоуправа велат дека акцијата целосно би се завршила до крајот на јануари. Ова значи дека второто полугодие, децата ќе имаат уреди за да следат настава преку интернет.
Нова година се ближи, но за разлика од претходно во овој период од декември, сега низ Гостивар не се чувствува никаква празнична атмосфера. Неизвесно е дали печалбарите годинава ќе останат верни на традицијата, новогодишните празници да ги поминат во родниот крај.
Пред два дена, на вообичаената локација, кај големиот паркинг простор спроти Центарот за култура беа поставени новогодишните тезги. Трговците нудат честитки, украси, балони, играчки…но дали и колку ќе имаат работа оваа година останува да се види.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар