Гостивар
Собир во чест на мавровецот г.г. Доситеј II – возобновената камбана на црквата Св.Никола Летен биеше за јубилејот
Маврово денес чествуваше 115 години од раѓањето на првиот Архиепископ на Македонска Православна Црква – Охридска Архиепископија, г.г. Доситеј II.
Јубилејот беше одбележан со собир пред (потопената црква) „Св. Никола Летен“ во Маврово, каде се одржа богослужба и со биење на воозобновената камбана од потопената црква се означи годишнината. На настанот беа откриени и информативни табли во селото Маврово во чест на г.г Доситеј, кај црквата „Св. Никола Летен“, кај црквата „Св Јован Крстител“ и во близината местото каде се наоѓала родната куќа на г.г Доситеј.
За потсетување на ликот и делото на г.г Доситеј пред присутните се обрати Душко Шарески кој се осврна на мал дел од неговиот живот:
„Огромна чест за целиот мавровски крај е што ваков великан потекнува токму од нашето Маврово. Неговиот придонес е од огромно значење за македонскиот народ, православието и државата. Во негово време од темел е возобновена Црквата, со епархиите, епископатот, свештенството, црковните општини во татковината и во дијаспората, црквите и манастирите, образованието и просветата. Во 1967 била отворена Богословијата, а во 1977 година Богословскиот факултет во Скопје. Денес одбележуваме 115 години од раѓањето на мавровецот Димитрија Стојковски – г.г Доситеј, кој ни остави голем аманет, се надеваме и помладите генерации ќе продолжат со оваа традиција која сите не прави горди. Дедо Доситеј целиот свој живот го посветил на црквата и православието и низ целиот свој животен век говорел дека книгата е негова вековита работа, затоа на информативните табли на кои уште е прикажан и неговиот живот: Св. Пателејмон – с.Ниќифорово, Св. Богородица – Сандакаш с.Леуново, Св. Ѓорѓија – с.Кнежино, Св.Богородица Пречиста – Кичево, е удостоен во книга.“
г.г. Доситеј е роден во Маврово на 7 декември 1906 година, тој е возобновител и прв архиепископ Oхридски и Mакедонски на МПЦ – Охридска Архиепископија, а се смета и како наследник на Арсениј II, кој бил последен Архиепископ на укинатата Охридска Архиепископија во 1767 година. Се упокојува на 20 мај 1981 година во Скопје.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар