Вести
Собир во спомен на загинатите градители на ХЕЦ „Маврово“
Во спомен на мавровската снежна трагедија од 1956 година, утрово се одржа комеморативен собир пред споменикот на градителите во близина на браната, во село Маврови Анови. Одбележувањето традиционално го организира ХЕЦ „Маврово“. Вработени во претпријатието и годинава се собраа и со положување на цвеќе и едноминутно молчење им одадоа почит на оние кои ги загубија животите во снежните лавини, што го зафатија мавровскиот крај пред 61 година.
„Ноќта помеѓу 10-ти и 11-ти февруари, 1956 година, во снежните лавини животот го загубија 52 градители на мавровскиот хидроенергетски систем од кои 38 работници и 14 граничари од нашата држава. Денес сме тука да им оддадеме почит. Од изградбата па до денес, Мавровскиот хидроенергетски систем, континуирано се надградува и обновува и со производството на електрична енергија значително допринесува во снабдувањето со електрична енергија на сите граѓани на нашата земја“, рече во пригодниот реферат директорот на ХЕЦ Маврово, Александар Левкоски.
Февруарската снежна трагедија е една од најголемите предизвикани од временска непогода на нашето подрачје. Се случила во околината на селата Рибница, Торбешки мост и Стрезимир. Од стотина луѓе, колку што биле затрупани со лавините, спасувачките екипи успеале да извлечат половина до нив.
Во чест на загинатите градители, секоја година се организира и меѓународен натпревар во нордиско скијање-Мавровски меморијал.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар