Вести Гостивар

Собирањето и транспортот на ѓубрето во Гостивар ќе оди под концесија?

Објавено

пред 2 години

на

16/08/2018

Од

Gostivarpress.mk

Гостиварската локална власт размислува да го даде собирањето и транспортот на сметот под концесија. Ова го откри градоначалникот Арбен Таравари, одговарајќи на новинарско прашање: Што општина Гостивар планира да преземе за подобрување на јавната хигиена градот, која периодов е евидентен проблем во повеќе делови од градот?.

„Во текот на летните месеци се дуплира бројот на граѓани во градот, а нашите капацитети се ограничени. Точно е дека хигиената во некои делови не е како што треба, но ние се трудиме и максимално работиме на подобрување на ситуацијата. Јавното претпријатие Комуналец три пати дневно ги чисти контејнерите, и не може да постигне, тие пак се преполнуваат. Размислуваме како опација, наредната година оваа дејност да ја дадеме под концесија, на приватна фирма која ќе го менаџира професионално. Верувајте со Комуналец и канализации и водоводи не се постигнува се`.“, рече Таравари.

На преполни контејнери и расфрлано ѓубре, најмногу реагираат жителите од реонот близу автобуската станица, големиот градски пазар и во населбата Малеарди.

Поврзани теми:

1 Коментар

Crowded House
16/08/2018 во 13:11
Не е ексклузивно гостиварски проблем ѓубрето. Светски е. Премногу отпад произведуваме. Несфатливо е зошто нема селектирање на отпадот и едукација по тоа прашање. Во Гостивар, конкретно. А има толку многу позитивни искуства по светот. Концесијата само ќе ги покачи сметките за ѓубретарина, а неизвесно е дали ќе го реши проблемот без примена на рециклирање на отпадот. Едно просто прашање: има ли просечно домаќинство т.н. ,,шредер,, (уситнувач) на органски отпад? Дури и продавниците ретко го нудат. А и што понатаму со него? Биодизел, компост за земјоделско органско ѓубриво, никој не врши организиран откуп. Затоа е Јапонија со право наречена далечен исток. Трчаме по запад, ама барем нешто корисно и од истокот да научевме.